too gar darinda hai to ye masaan tera hai,
agar parinda hai to aasamaan tera hai.
tabaahiyaan to kisee aur kee talaash mein theen
kahaan pata tha unhen ye makaan tera hai.
chhalakane mat de abhee apane sabr ka pyaala,
ye sabr hee to asal imtehaan tera hai.
bhula de ab to bhula de ki bhool kisakee thee
na bhool pyaare ki hindostaan tera hai.
na bolana hai to mat bol ye teree marazee
hai, chuppiyon mein mukammil bayaan tera hai.
too apane desh ke darpan mein khud ko dekh zara
saraapa jism hee dedeepyamaan tera hai.
har ek cheez yahaan kee, teree hai, teree hai,
teree hai kyonki sabhee par nishaan tera hai.
ho chaahe koee bhee too, ho khada saleeqe se
ye filmee geet nahin, raashtragaan tera hai.