loader image

agar khuda na kare sach ye khvaab ho jae

agar khuda na kare sach ye khvaab ho jae
teree sahar ho mera aafataab ho jae

huzoor! aarizo-o-rukhasaar kya tamaam badan
meree suno to mujassim gulaab ho jae

utha ke phenk do khidakee se saagar-o-meena
ye tishanagee jo tumhen dastayaab ho jae

vo baat kitanee bhalee hai jo aap karate hain
suno to seene kee dhadakan rabaab ho jae

bahut qareeb na aao yaqeen nahin hoga
ye aarazoo bhee agar kaamayaab ho jae

galat kahoon to meree aaqabat bigadatee hai
jo sach kahoon to khudee benaqaab ho jae.

653

Add Comment

By: Dushyant Kumar

© 2022 Pothi | All Rights Reserved

Do not copy, Please support by sharing!