loader image

tumhaara pyaar – a poem by Kishor Kabra

mor pankhee aankh mein
dubaka hua
shishu sa tumhaara pyaar
kuchh aisa hatheela ho gaya hai
drishti ka aanchal pakadakar
machalata hai
boond ban kar uchhalata hai
pharsh geela ho gaya hai
tark se
katataa kahaan
bas, jhelata hai
doob ke maanind
din din phailata hai
kuchh gatheela
kuchh kateela
ho gaya pyaar
kuchh aisa hatheela ho gaya hai.

982
By: Kishor Kabra

© 2022 Pothi | All Rights Reserved

Do not copy, Please support by sharing!