loader image

is mod se tum mud gaee

is mod se tum mud gaee phir raah soonee ho gaee.

maaloom tha mujhako ki har dhaara nadee hotee nahin
har vrksh kee har shaakh phoolon se ladee hotee nahin
phir bhee laga jab tak qadam aage badhaoonga nahin,
kaise katega raasta yadi gunagunaoonga nahin,
yah sochakar saara safar, main is qadar dheere chala
lekin tumhaare saath phir raftaar doonee ho gaee!

tumase nahin koee gila, haan, man bahut santapt hai,
har ek aanchal pyaar dene ko nahin abhishapt hai,
har ek kee karuna yahaan par kaavy kee thaatee nahin
har ek kee peeda yahaan sangeet ban paatee nahin
mainne bahut chaaha ki apane aansuon ko sokh loon
tadapan magar us baar se is baar doonee ho gaee.

jaane yahaan, is raah ke, is mod par hai kya vajah
har svapn toota is jagah, har saath chhoota is jagah
is baar meree kalpana ne phir vahee sapane bune,
is baar bhee mainne vahee kaliyaan chunee, kaante chune,
mainne to badee ummeed se teree taraph dekha magar
jo lag rahee thee zindagee dushvaar doonee ho gaee!

is mod se tum mud gaee, phir raah soonee ho gaee!

543

Add Comment

By: Dushyant Kumar

© 2022 Pothi | All Rights Reserved

Do not copy, Please support by sharing!