bichhad ke tujh se tiree yaad bhee nahin aaee
makaan kee samt palat kar makeen nahin aaya
zameen par na rahe aasamaan ko chhod diya
tumhaare baad zamaan o makaan ko chhod diya
koee bhee rasta kisee samt ko nahin jaata
koee safar miree takameel karane vaala nahin
bas ek baar vo aaya tha sair karane ko
phir us ke saath hee khushboo gaee chaman bhee gaya
yoon jagamaga utha hai tiree yaad se vajood
jaise lahoo se koee sitaara guzar gaya
khud apane hone ka har ik nishaan mita daala
shanas phir kaheen mauzoo-e-guftugoo hue ham
us ke labon kee guftugoo karate rahe suboo suboo
yaanee sukhan hue tamaam yaanee kalaam ho chuka
vo jis ke haath se taqareeb-e-dil-numaee thee
abhee vo lamha-e-maujood mein nahin aaya
kisee ke dil mein utarana hai kaar-e-la-haasil
ki saaree dhoop to hai aaftaab se baahar