loader image

Famous sher of Hadi Machlishahri

gam-e-dil ab kisee ke bas ka nahin
kya dava kya dua kare koee


tum azeez aur tumhaara gam bhee azeez
kis se kis ka gila kare koee


vo poochhate hain dil-e-mubtala ka haal aur ham
javaab mein faqat aansoo bahae jaate hain


mira vajood haqeeqat mira adam dhoka
fana kee shakl mein sar-chashma-e-baqa hoon main


bedard mujh se sharah-e-gam-e-zindagee na poochh
kaafee hai is qadar ki jie ja raha hoon main


us ne is andaaz se dekha mujhe
zindagee bhar ka gila jaata raha


ab vo peeree mein kahaan ahad-e-javaanee kee umang
rang maujon ka badal jaata hai saahil ke qareeb


ab kyoon gila rahega mujhe hijr-e-yaar ka
be-taabiyon se lutf uthaane laga hoon main


too hai bahaar to daaman mira ho kyoon khaalee
ise bhee bhar de gulon se tujhe khuda kee qasam


gazab hai ye ehasaas vaarastagee ka
ki tujh se bhee khud ko baree chaahata hoon


893

Add Comment

By: Hadi Machlishahri

© 2021 Pothi | All Rights Reserved

Do not copy, Please support by sharing!