us dushman-e-vafa ko dua de raha hoon main
mera na ho saka vo kisee ka to ho gaya
ye kis maqaam pe laee hai zindagee ham ko
hansee labon pe hai seene mein gam ka daftar hai
samajh ke aag lagaana hamaare ghar mein tum
hamaare ghar ke baraabar tumhaara bhee ghar hai
mile fursat to sun lena kisee din
mira qissa nihaayat mukhtasar hai
har haqeeqat hai ek husn hafeez
aur har husn ik haqeeqat hai
kuchh is ke sanvar jaane kee tadabeer nahin hai
duniya hai tiree zulf-e-girah-geer nahin hai
kisee ka ghar jale apana hee ghar lage hai mujhe
vo haal hai ki ujaalon se dar lage hai mujhe
ishq mein maaraka-e-qalb-o-nazar kya kahie
chot lagatee hai kaheen dard kaheen hota hai
hisaar-e-zaat ke deevaar-o-dar mein qaid rahe
tamaam umr ham apane hee ghar mein qaid rahe
main ne aabaad kie kitane hee veeraane hafeez
zindagee meree ik ujadee huee mahafil hee sahee