zindagee firadaus-e-gum-gashta ko pa sakatee nahin
maut hee aatee hai ye manzil dikhaane ke lie
rang badala yaar ne vo pyaar kee baaten gaeen
vo mulaaqaaten gaeen vo chaandanee raaten gaeen
ilaahee ek gam-e-rozagaar kya kam tha
ki ishq bhej diya jaan-e-mubtala ke lie
ham se ye baar-e-lutf uthaaya na jaega
ehasaan ye keejie ki ye ehasaan na keejie
koee dava na de sake mashavara-e-dua diya
chaaraagaron ne aur bhee dard dil ka badha diya
but-kade se chale ho kaabe ko
kya milega tumhen khuda ke siva
hae koee dava karo hae koee dua karo
hae jigar mein dard hai hae jigar ko kya karoon
kis munh se kah rahe ho hamen kuchh garaz nahin
kis munh se tum ne vaada kiya tha nibaah ka
ab mujhe maanen na maanen ai hafeez
maanate hain sab mire ustaad ko
haan main to lie phirata hoon ik sajada-e-betaab
un se bhee to poochho vo khuda hain ki nahin hain