tum hee na sun sake agar qissa-e-gam sunega kaun
kis kee zabaan khulegee phir ham na agar suna sake
mujh ko na suna khizr o sikandar ke fasaane
mere lie yakasaan hai fana ho ki baqa ho
utarenge kis ke halq se ye dil-kharaash ghoont
kis ko payaam doon ki mire saath aa ke pee
uth uth ke baith baith chukee gard raah kee
yaaro vo qaafile thake haare kahaan gae
meree qismat ke navishte ko mita de koee
mujh ko qismat ke navishte ne mita rakkha hai
dil ne aankhon tak aane mein itana vaqt liya
door tha kaise ye but-khaana ab maaloom hua
mabaada phir aseer-e-daam-e-aql-o-hosh ho jaoon
junoon ka is tarah achchha nahin had se guzar jaana
tanhaee-e-firaaq mein ummeed baar-ha
gum ho gaee sukoot ke hangaama-zaar mein
hamesha ke lie khaamosh ho kar
naee tarz-e-fugaan vaale ne maara