loader image

Famous sher of Josh Malihabadi

ham gae the us se karane shikava-e-dard-e-firaaq
muskura kar us ne dekha sab gila jaata raha


haan aasamaan apanee bulandee se hoshiyaar
ab sar utha rahe hain kisee aastaan se ham


guzar raha hai idhar se to muskuraata ja
charaag-e-majlis-e-ruhaaniyaan jalaata ja


ab tak na khabar thee mujhe ujade hue ghar kee
vo aae to ghar be-sar-o-saamaan nazar aaya


sirf itane ke lie aankhen hamen bakhshee gaeen
dekhie duniya ke manzar aur ba-ibarat dekhie


har ek kaante pe surkh kiranen har ik kalee mein charaag raushan
khayaal mein muskuraane vaale tira tabassum kahaan nahin hai


mila jo mauqa to rok doonga jalaal roz-e-hisaab tera
padhoonga rahamat ka vo qaseeda ki hans padega azaab tera


soz-e-gam de ke mujhe us ne ye irashaad kiya
ja tujhe kashamakash-e-dahar se aazaad kiya


baadabaan naaz se lahara ke chalee baad-e-muraad
kaaravaan eed mana qaafila-saalaar aaya


idhar teree mashiyyat hai udhar hikamat rasoolon kee
ilaahee aadamee ke baab mein kya hukm hota hai


958

Add Comment

By: Josh Malihabadi

© 2023 Pothi | All Rights Reserved

Do not copy, Please support by sharing!