vahaan se hai miree himmat kee ibtida vallaah
jo intiha hai tire sabr aazamaane kee
kisee ka ahad-e-javaanee mein paarasa hona
qasam khuda kee ye tauheen hai javaanee kee
aade aaya na koee mushkil mein
mashavare de ke hat gae ahabaab
insaan ke lahoo ko piyo izn-e-aam hai
angoor kee sharaab ka peena haraam hai
suboot hai ye mohabbat kee saada-lauhee ka
jab us ne vaada kiya ham ne etibaar kiya
is ka rona nahin kyoon tum ne kiya dil barbaad
is ka gam hai ki bahut der mein barbaad kiya
vo karen bhee to kin alfaaz mein tera shikava
jin ko teree nigah-e-lutf ne barbaad kiya
tabassum kee saza kitanee kadee hai
gulon ko khil ke murajhaana pada hai
koee aaya tiree jhalak dekhee
koee bola sunee tiree aavaaz
ham aise ahal-e-nazar ko suboot-e-haq ke lie
agar rasool na hote to subh kaafee thee