loader image

code – a poem by Rituraj

bhaasha ko ulat kar baratana chaahie

main unhen nahin jaanata
yaanee main unhen bakhoobee jaanata hoon
ve bahut bade aur mahaan log hain
yaanee ve bahut ochhe, piddee
aur nikrsht koti ke hain

kaha ki aapane bahut praasangik
aur saarthak lekhan kiya hai
yaanee yah atyant apraasangik
aur bakavaas hai

aap jaisa pratibaddh aur udaar
doosara koee nahin
yaanee aap jaisa beeemaan aur jaativaadee is dharatee par
kaheen nahin

agar arth mansha mein chhipe hote hain
to ulta bolane ka abhyaas
khud-ba-khud aashay vyakt kar dega

muskaraane mein ghrna prakat hogee
svaagat mein tiraskaar

aap chaay mein shakkar nahin lete
jaanata hoon
yaanee aap bahut zahareele hain

mainne aapakee bahut prateeksha kee
yaanee aapake durghatanaagrast hone kee khabar ka
intazaar kiya

vah bahut kartavyanishth hai
yaanee bahut chaapaloos aur kaamachor hai
vah desh aur samaaj kee
chinta karata hai
yaanee apanee santaanon ka bhavishy sunahara
banaana chaahata hai

hamaaree bhaasha kee shishtata mein
chhipe hote hain
anek hinsak roop

vipareet arth chhaanane ke lie
aur adhik sushikshit hona hoga

itana sabhy aur shikshit
ki shatru ko pata to chale
ki yah meethee maar hai
lekin vah usaka prativaad na kar sake
sirph kahe, aabhaaree hoon,
dhanyavaad !!

code

Add Comment

By: Rituraj

© 2021 Pothi | All Rights Reserved

Do not copy, Please support by sharing!