kabhee itanee dhanavaan mat banna ki loot lee jao
saste skart kee prakat bhavyata ke kaaran
haangjo kee gudiya ke peechhe vah aaya hoga
chupachaap baeen jeb se keval do anguliyon kee kalaakaaree se
batua paar kar liya hoga
sundarata ke baare mein usaka gyaan maatr vitteey tha
ek ladakee ka sparsh kya hota hai vah bilakul bhool chuka tha
ek nitaant aparichit jeb mein agar use joode ka pin
ya bunde jaisee svapnil-see vastuen milateen to vah niraash ho jaata
aur tab haangjo kee ladakiyon ke gaalon kee laalima bhee
use punarjeevit nahin kar sakatee thee
us vakt vah maatr ek aujaar tha baazaar vyavastha ka
khule dvaar jaisee jeb mein jise usakee tej nigaahon ne jhaankakar dekha tha
ki ek bholee roopasee kee alamast ichchhaen us batue mein bharee theen
ki bina kisee hinsa ke usane saabit kar diya
sundar hone ka matalab laaparavaah hona nahin hai
ki agar lakshy tay ho to koee doosara aakarshan tumhen diga nahin sakata .