pahachaan gaya sailaab hai us ke seene mein aramaanon ka
dekha jo safeene ko mere jee chhoot gaya toofaanon ka
itana maanoos hoon fitarat se kalee jab chatakee
jhuk ke main ne ye kaha mujh se kuchh irashaad kiya?
ab ai khuda inaayat-e-beja se faeda
maanoos ho chuke hain gam-e-jaavedaan se ham
ik na ik zulmat se jab vaabasta rahana hai to josh
zindagee par saaya-e-zulf-e-pareshaan kyoon na ho
allaah re husn-e-dost kee aaeena-daariyaan
ahal-e-nazar ko naqsh-ba-deevaar kar diya
ab dil ka safeena kya ubhare toofaan kee havaen saakin hain
ab bahar se kashtee kya khele maujon mein koee girdaab nahin
zara aahista le chal kaaravaan-e-kaif-o-mastee ko
ki sath-e-zehan-e-aalam sakht na-hamavaar hai saaqee
jitane gada-navaaz the kab ke guzar chuke
ab kyoon bichhae baithe hain ham boriya na poochh
duniya ne fasaanon ko bakhshee afsurda haqaeq kee talkhee
aur ham ne haqaeq ke naqshe mein rang bhara afsaanon ka
mile jo vaqt to ai rah-rav-e-rah-e-ikseer
haqeer khaak se bhee saaz-baaz karata ja