aakaashee jheel ke kinaare
paradeshee jheel ke kinaare
pankhon kon chonch mein samete
baithe badarae banapaankhee.
satarangee gadaraee chhat se
boond-boond bikharee madhumaakhee.
nikale pade chhod ghar-duvaare
kaare kajaraare banajaare
kahaan? aakaashee jheel ke kinaare
toot gae dhoop ke khilaune,
nimiya kee chhaaya ke neeche.
ankur do patton ko thaame,
soya hai palakon ko meeche.
doob gae chaand o sitaare
tair gae kiran ke ishaare
kahaan? aakaashee jheel ke kinaare
uthe-gire aanchal mein gumsum
dubak rahee bijalee kee hansulee.
alakon kee chaukhat ko thaame
sisak rahee maathe kee tikulee.
ruken bhala kab tak jaladhaare
kaajar kee kor ke sahaare
kahaan? aakaashee jheel ke kinaare