tab tak egypt ke pyramid nahin bane the
jab duniya mein
pahale pyaar ka janm hua
tab tak aatma kee khoj bhee nahin huee thee,
shareer hee sab kuchh tha
kaafee baad vichaaron ka janm hua
manushy ke mashtishk se
anubhavon se utpann huee smrtiyaan
aur janm-janmaantar tak
khinchatee chalee gaeen
maana gaya ki aatma ka vaibhav
vah jeevan hai jo kabhee nahin marata
pyaar ne
shareer mein chhipee isee aatma ke
ujaas ko jeena chaaha
ek aadim deh mein
lautatee rahatee hai vah amar ichchha
roz andhera hote hee
doob jaatee hai vah
andhere ke pralay mein
aur har subah nikalatee hai
ek taazee vaidik bhor kee tarah
paar karatee hai
sadiyon ke antaraal aur aapaat dooriyaan
apane us ardhaang tak pahunchane ke lie
jisake baar baar lautane kee kathaen
ek deh se lipatee hain