ab kaaragah-e-dahar mein lagata hai bahut dil
ai dost kaheen ye bhee tira gam to nahin hai
dast-e-pur-khoon ko kaf-e-dast-e-nigaaraan samajhe
qatl-gah thee jise ham mahafil-e-yaaraan samajhe
tishnagee hee tishnagee hai kis ko kahie may-kada
lab hee lab ham ne to dekhe kis ko paimaana kahen
mere hee sang-o-khisht se taameer-e-baam-o-dar
mere hee ghar ko shahar mein shaamil kaha na jae
gulon se bhee na hua jo mira pata dete
saba udaatee phiree khaak aashiyaane kee
sunate hain ki kaante se gul tak hain raah mein laakhon veeraane
kahata hai magar ye azm-e-junoon sahara se gulistaan door nahin
sar par hava-e-zulm chale sau jatan ke saath
apanee kulaah kaj hai usee baankapan ke saath
main ki ek mehanat-kash main ki teeragee-dushman
subh-e-nau ibaarat hai mere muskuraane se
paara-e-dil hai vatan kee sarazameen mushkil ye hai
shahar ko veeraan ya is dil ko veeraana kahen
kahaan bach kar chalee ai fasl-e-gul mujh aabala-pa se
mire qadamon kee gul-kaaree bayaabaan se chaman tak hai