ham hain kaba ham hain but-khaana hameen hain kaenaat
ho sake to khud ko bhee ik baar sajda keejie
tujhe na maane koee tujh ko is se kya majrooh
chal apanee raah bhatakane de nukta-cheenon ko
mujhe ye fikr sab kee pyaas apanee pyaas hai saaqee
tujhe ye zid ki khaalee hai mira paimaana barason se
fareb-e-saaqee-e-mahafil na poochhie majrooh
sharaab ek hai badale hue hain paimaane
majrooh likh rahe hain vo ahal-e-vafa ka naam
ham bhee khade hue hain gunahagaar kee tarah
vo aa rahe hain sanbhal sanbhal kar nazaara be-khud faza javaan hai
jhukee jhukee hain nasheelee aankhen ruka ruka daur-e-aasamaan hai
sair-e-saahil kar chuke ai mauj-e-saahil sar na maar
tujh se kya bahalenge toofaanon ke bahalae hue
kuchh bata too hee nasheman ka pata
main to ai baad-e-saba bhool gaya
jala ke mishal-e-jaan ham junoon-sifaat chale
jo ghar ko aag lagae hamaare saath chale
badhaee may jo mohabbat se aaj saaqee ne
ye kaanpe haath ki saagar bhee ham utha na sake