alag baithe the phir bhee aankh saaqee kee padee ham par
agar hai tishnagee kaamil to paimaane bhee aaenge
rahate the kabhee jin ke dil mein ham jaan se bhee pyaaron kee tarah
baithe hain unheen ke kooche mein ham aaj gunahagaaron kee tarah
ab sochate hain laenge tujh sa kahaan se ham
uthane ko uth to aae tire aastaan se ham
sutoon-e-daar pe rakhate chalo saron ke charaag
jahaan talak ye sitam kee siyaah raat chale
tire siva bhee kaheen thee panaah bhool gae
nikal ke ham tiree mahafil se raah bhool gae
rok sakata hamen zindaan-e-bala kya majrooh
ham to aavaaz hain deevaar se chhan jaate hain
dil kee tamanna thee mastee mein manzil se bhee door nikalate
apana bhee koee saathee hota ham bhee bahakate chalate chalate
mujh se kaha jibreel-e-junoon ne ye bhee vahee-e-ilaahee hai
mazahab to bas mazahab-e-dil hai baaqee sab gumaraahee hai
majrooh qaafile kee mire daastaan ye hai
rahabar ne mil ke loot liya raahazan ke saath
ham ko junoon kya sikhalaate ho ham the pareshaan tum se ziyaada
chaak kie hain ham ne azeezo chaar garebaan tum se ziyaada