mahav-e-liqa jo hain malakootee-khisaal hain
bedaar ho ke bhee nazar aate hain khvaab mein
nafs-e-matalab hee mira faut hua jaata hai
jaan-e-jaanaan ye munaasib nahin ghabara dena
nigah-e-naaz se is chust qaba ne dekha
shauq betaab gul-e-chaak-e-garebaan samajha
jam gae raah mein ham naqsh-e-qadam kee soorat
naqsh-e-pa raah dikhaate hain ki vo aate hain
buraee bhalaee kee soorat huee
mohabbat mein sab kuchh rava ho gaya
ye rooposhee nahin hai soorat-e-mardum-shanaasee hai
har ik na-ahal tera taalib-e-deedaar ban jaata
chhoo le saba jo aa ke mire gul-badan ke paanv
qaem na hon chaman mein naseem-e-chaman ke paanv
vust-e-masharab-e-rindaan ka nahin hai maharam
zaahid-e-saada hamen be-sar-o-saamaan samajha
ushshaaq jo tasavvur-e-barzakh ke ho gae
aatee hai dam-ba-dam ye unheen ko sada-e-qalb
nairang-e-ishq aaj to ho jae kuchh madad
pur-fan ko ham karen mutahayyar kisee tarah