loader image

Famous sher of Qalak Merathi

zulekha be-khirad aavaara laila bad-maza sheereen
sabhee majaboor hain dil se mohabbat aa hee jaatee hai


too hai harajaee to apana bhee yahee taur sahee
too nahin aur sahee aur nahin aur sahee


ho mohabbat kee khabar kuchh to khabar phir kyoon ho
ye bhee ik be-khabaree hai ki khabar rakhate hain


raham kar maston pe kab tak taaq par rakkhega too
saagar-e-may saaqiya zaahid ka eemaan ho gaya


bosa dene kee cheez hai aakhir
na sahee har ghadee kabhee hee sahee


na ye hai na vo hai na main hoon na too hai
hazaaron tasavvur aur ik aarazoo hai


na ho aarazoo kuchh yahee aarazoo hai
faqat main hee main hoon to phir too hee too hai


kufr aur islaam mein dekha to naazuk farq tha
dair mein jo paak tha kabe mein vo naapaak tha


hai agar kuchh vafa to kya kahane
kuchh nahin hai to dil-lagee hee sahee


vaiz ye may-kada hai na masjid ki is jagah
zikr-e-halaal par bhee hai fatava haraam ka


958

Add Comment

By: Qalak Merathi

© 2022 Pothi | All Rights Reserved

Do not copy, Please support by sharing!