mohabbat vo hai jis mein kuchh kisee se ho nahin sakata
jo ho sakata hai vo bhee aadamee se ho nahin sakata
too dekh to udhar ki jo dekha na jae phir
too guftugoo kare to kabhee guftugoo na ho
tiree naved mein har daastaan ko sunate hain
tiree umeed mein har rahaguzar ko dekhate hain
jabeen-e-paarasa ko dekh kar eemaan larazata hai
maaz-allaah ki kya anjaam hai is paarasaee ka
fikr-e-sitam mein aap bhee paaband ho gae
tum mujh ko chhod do to main tum ko riha karoon
kasarat-e-sajda se pashemaan hain
ki tira naqsh-e-pa mita baithe
moosa ke sar pe paanv hai ahal-e-nigaah ka
us kee galee mein khaak adee koh-e-toor kee
kyoonkar na aasteen mein chhupa kar padhen namaaz
haq to hai ye azeez hain but hee khuda ke bad
zahe qismat ki us ke qaidiyon mein aa gae ham bhee
vale shor-e-salaasil mein hai ik khataka rihaee ka
main raazadaan hoon ye ki jahaan tha vahaan na tha
too bad-gumaan hai vo ki jahaan hai vahaan nahin