ik shahanshaah ne daulat ka sahaara le kar
ham gareebon kee mohabbat ka udaaya hai mazaaq
jang to khud hee ek masala hai
jang kya masalon ka hal degee
jab tum se mohabbat kee ham ne tab ja ke kaheen ye raaz khula
marane ka saleeqa aate hee jeene ka shuoor aa jaata hai
maana ki is zameen ko na gulazaar kar sake
kuchh khaar kam to kar gae guzare jidhar se ham
zulm phir zulm hai badhata hai to mit jaata hai
khoon phir khoon hai tapakega to jam jaega
jo mil gaya usee ko muqaddar samajh liya
jo kho gaya main us ko bhulaata chala gaya
abhee zinda hoon lekin sochata rahata hoon khalvat mein
ki ab tak kis tamanna ke sahaare jee liya main ne
yoonhee dil ne chaaha tha rona-rulaana
tiree yaad to ban gaee ik bahaana
ab aaen ya na aaen idhar poochhate chalo
kya chaahatee hai un kee nazar poochhate chalo
mere khvaabon mein bhee too mere khayaalon mein bhee too
kaun see cheez tujhe tujh se juda pesh karoon