har koocha shola-zaar hai har shahar qatl-gaah
yak-jehatee-e-hayaat ke aadaab kya hue
andheree shab mein bhee taameer-e-aashiyaan na ruke
nahin charaag to kya barq to chamakatee hai
ai gam-e-duniya tujhe kya ilm tere vaaste
kin bahaanon se tabeet raah par laee gaee
mohabbat tark kee main ne garebaan see liya main ne
zamaane ab to khush ho zahar ye bhee pee liya main ne
hameen se rang-e-gulistaan hameen se rang-e-bahaar
hameen ko nazm-e-gulistaan pe ikhtiyaar nahin
is rengatee hayaat ka kab tak uthaen baar
beemaar ab ulajhane lage hain tabeeb se
door rah kar na karo baat qareeb aa jao
yaad rah jaegee ye raat qareeb aa jao
aankhen hee milaatee hain zamaane mein dilon ko
anjaan hain ham tum agar anjaan hain aankhen
ham se agar hai tark-e-taalluq to kya hua
yaaro koee to un kee khabar poochhate chalo
tum apana ranj-o-gam apanee pareshaanee mujhe de do
tumhen gam kee qasam is dil kee veeraanee mujhe de do