yahaan dekhoon vahaan dekhoon ise dekhoon use dekhoon
tumhaaree khud-numaee ne mujhe daala hai hairat mein
baad marane ke bhee mittee miree barbaad rahee
miree taqadeer ke nuqasaan kahaan jaate hain
aakhir mile hain haath kisee kaam ke lie
phaade agar na jeb to phir kya kare koee
munh chhupaana pade na dushman se
ai shab-e-gam sahar na ho jae
ai shaikh apane apane aqeede ka farq hai
huramat jo dair kee hai vahee khaanaqaah kee
hai lutf tagaaful mein ya jee ke jalaane mein
vaada to kiya hota go vo na vafa hota
bujhaoon kya charaag-e-subh-gaahee
mire ghar shaam honee hai sahar se
vo jitane door khinchate hain taalluq aur badhata hai
nazar se vo jo pinhaan hain to dil mein hain ayaan kya-kya
hai dil mein agar us se mohabbat ka iraada
le leejie dushman ke lie ham se vafa qarz
qahar hai zahar hai agyaar ko laana shab-e-vasl
aise aane se to behatar hai na aana shab-e-vasl