loader image

yaaro koo-e-yaar kee baaten karen

yaaro koo-e-yaar kee baaten karen
phir gul o gulazaar kee baaten karen

chaandanee mein ai dil ik ik phool se
apane gul-rukhsaar kee baaten karen

aankhon aankhon mein lutae may-kade
deeda-e-sarashaar kee baaten karen

ab to milie bas ladaee ho chukee
ab to chalie pyaar kee baaten karen

phir mahak utthe faza-e-zindagee
phir gul o rukhsaar kee baaten karen

mahashar-e-anavaar kar den bazm ko
jalva-e-deedaar kee baaten karen

apanee aankhon se bahaen sail-e-ashk
abr-e-gauhar-baar kee baaten karen

un ko ulfat hee sahee agyaar se
ham se kyoon agyaar kee baaten karen

‘akhtar’ us rangeen ada se raat bhar
taala-e-bedaar kee baaten karen

Add Comment

By: Akhtar Sheerani

© 2022 Pothi | All Rights Reserved

Do not copy, Please support by sharing!