baja kahe jise aalam use baja samajho
zabaan-e-khalq ko naqqaara-e-khuda samajho
laee hayaat aae qaza le chalee chale
apanee khushee na aae na apanee khushee chale
ham rone pe aa jaen to dariya hee baha den
shabanam kee tarah se hamen rona nahin aata
aadamiyyat aur shay hai ilm hai kuchh aur shay
kitana tote ko padhaaya par vo haivaan hee raha
bosa jo rukh ka dete nahin lab ka deejie
ye hai masal ki phool nahin pankhudee sahee
behatar to hai yahee ki na duniya se dil lage
par kya karen jo kaam na be-dil-lagee chale
masjid mein us ne ham ko aankhen dikha ke maara
kaafir kee shokhee dekho ghar mein khuda ke maara
naaz hai gul ko nazaakat pe chaman mein ai zauq
us ne dekhe hee nahin naaz-o-nazaakat vaale
kya jaane use vaham hai kya meree taraf se
jo khvaab mein bhee raat ko tanha nahin aata
haq ne tujh ko ik zabaan dee aur die hain kaan do
is ke ye manee kahe ik aur sune insaan do