ai sham teree umr-e-tabeeee hai ek raat
hans kar guzaar ya ise ro kar guzaar de
in dinon garache dakan mein hai badee qadr-e-sukhan
kaun jae zauq par dillee kee galiyaan chhod kar
sab ko duniya kee havas khvaar lie phiratee hai
kaun phirata hai ye murdaar lie phiratee hai
rulaegee miree yaad un ko muddaton saahab
karenge bazm mein mahasoos jab kamee meree
vaqt-e-peeree shabaab kee baaten
aisee hain jaise khvaab kee baaten
kya dekhata hai haath mira chhod de tabeeb
yaan jaan hee badan mein nahin nabz kya chale
tum jise yaad karo phir use kya yaad rahe
na khudaee kee ho parava na khuda yaad rahe
dekh chhoton ko hai allaah badaee deta
aasamaan aankh ke til mein hai dikhaee deta
be-qaraaree ka sabab har kaam kee ummeed hai
na-umeedee ho to phir aaraam kee ummeed hai
ham nahin vo jo karen khoon ka daava tujh par
balki poochhega khuda bhee to mukar jaenge