la us nigah ke zakhm-raseedon mein mil gaya
ye bhee lahoo laga ke shaheedon mein mil gaya
mazakoor tiree bazm mein kis ka nahin aata
par zikr hamaara nahin aata nahin aata
bujhane kee dil kee aag nahin zer-e-khaak bhee
hoga darakht gaor pe meree chinaar ka
ho umr-e-khizr bhee to ho maaloom vaqt-e-marg
ham kya rahe yahaan abhee aae abhee chale
hai ain-e-vasl mein bhee miree chashm soo-e-dar
lapaka jo pad gaya hai mujhe intizaar ka
lete hain samar shaakh-e-samaravar ko jhuka kar
jhukate hain sakhee vaqt-e-karam aur ziyaada
kahate hain aaj zauq jahaan se guzar gaya
kya khoob aadamee tha khuda magfirat kare
moazzin marhaba bar-vaqt bola
tiree aavaaz makke aur madeene
detee sharbat hai kise zahar bharee aankh tiree
ain ehasaan hai vo zahar bhee gar detee hai
mira ghar teree manzil gaah ho aise kahaan taale
khuda jaane kidhar ka chaand aaj ai maah-roo nikala