too mil us se ho jis se dil tira khush
bala se teree main na-khush hoon ya khush
bura na maaniyo main poochhata hoon ai zaalim
ki be-kason ke satae se kuchh bhala bhee hai
too bhalee baat se hee meree khafa hota hai
aah kya chaahana aisa hee bura hota hai
maloon hon khaak joon aaeena munh par
tiree soorat mujhe aatee hai jab yaad
dekh qaasid ko mire yaar ne poochha taban
kya mire hijr mein jeeta hai vo gamanaak hanooz
kab pilaavega too ai saaqee mujhe jaam-e-sharaab
jaan-ba-lab hoon aarazoo mein may kee paimaane kee tarah
yaar rootha hai mira us ko manaoon kis tarah
minnaten kar paanv pad us ke le aaoon kis tarah
kar qatl mujhe un ne aalam mein bahut dhoonda
jab mujh sa na kui paaya jallaad bahut roya
ho rooh ke taeen jism se kis tarah mohabbat
tair ko qafas se bhee kaheen ho hai mohabbat
main ho ke tire gam se naashaad bahut roya
raaton ke taeen kar ke fariyaad bahut roya