khushk seron tan-e-shaer ka lahoo hota hai
tab nazar aatee hai ik misra-e-tar kee soorat
nabz-e-beemaar jo ai rashk-e-maseeha dekhee
aaj kya aap ne jaatee huee duniya dekhee
lae kahaan se us rukh-e-raushan kee aab-o-taab
beja nahin jo sharm se hai aab aab sham
taraf-e-kaaba na ja haj ke lie naadaan hai
gaur kar dekh ki hai khaana-e-dil maskan-e-dost
misee chhootee huee sookhe hue hont
ye soorat aur aap aate hain ghar se
roz-o-shab yaan ek see hai raushanee
dil ke daagon ka charaagaan aur hai
ho gaya band dar-e-mai-kada kya qahar hua
shauq-e-pa-bos-e-haseenaan jo tujhe tha ai dil
ameer jaate ho but-khaane kee ziyaarat ko
padega raah mein kaba salaam kar lena
chaar jhonke jab chale thande chaman yaad aa gaya
sard aahen jab kisee ne leen vatan yaad aa gaya
jab kaheen do gaz zameen dekhee khudee samajha main gor
jab naee do chaadaren dekheen kafan yaad aa gaya