kaun uthaega tumhaaree ye jafa mere baad
yaad aaegee bahut meree vafa mere baad
allaah-re saadagee nahin itanee unhen khabar
mayyat pe aa ke poochhate hain in ko kya hua
phir baithe baithe vaada-e-vasl us ne kar liya
phir uth khada hua vahee rog intizaar ka
maanee hain main ne saikadon baaten tamaam umr
aaj aap ek baat meree maan jaie
vo dushmanee se dekhate hain dekhate to hain
main shaad hoon ki hoon to kisee kee nigaah mein
sarakatee jae hai rukh se naqaab aahista aahista
nikalata aa raha hai aaftaab aahista aahista
teer par teer lagao tumhen dar kis ka hai
seena kis ka hai miree jaan jigar kis ka hai
mushkil bahut padegee baraabar kee chot hai
aaeena dekhiega zara dekh-bhaal ke
bosa liya jo us lab-e-sheereen ka mar gae
dee jaan ham ne chashma-e-aab-e-hayaat par
baad marane ke bhee chhodee na rifaaqat meree
meree turbat se lagee baithee hai hasarat meree