aabaroo shart hai insaan ke lie duniya mein
na rahee aab jo baaqee to hai gauhar patthar
shab-e-visaal bahut kam hai aasamaan se kaho
ki jod de koee tukada shab-e-judaee ka
sau sher ek jalase mein kahate the ham ameer
jab tak na sher kahane ka ham ko shuoor tha
vo phool sar chadha jo chaman se nikal gaya
izzat use milee jo vatan se nikal gaya
shaakhon se barg-e-gul nahin jhadate hain baag mein
zevar utar raha hai uroos-e-bahaar ka
allaah-ree nazaakat-e-jaanaan ki sher mein
mazamoon bandha kamar ka to dard-e-kamar hua
raha khvaab mein un se shab bhar visaal
mire bakht jaage main soya kiya
sab haseen hain zaahidon ko na-pasand
ab koee hoor aaegee un ke lie
zaahid umeed-e-rahamat-e-haq aur hajv-e-may
pahale sharaab pee ke gunaah-gaar bhee to ho
poochha na jaega jo vatan se nikal gaya
be-kaar hai jo daant dahan se nikal gaya