loader image

bolachaal kee bhaasha – an article by Hariaudh

bolachaal kee bhaasha ke baare mein kuchh likhana tedhee kheer hai. jitane munh utanee baat sunee jaatee hai. yadi yah baat saty na ho to bhee isamen sandeh nahin ki is vishay mein ek mat nahin hai. bolachaal kee bhaasha kee paribhaasha bhinn-bhinn hai. athava yon kahiye ki is vishay mein maany logon ke siddhaant ek-se nahin hain. bolachaal kee bhaasha se vah bhaasha abhipret hai, jo bolee jaatee hai, athava jise sarvasaadhaaran bolate hain. yadi is kasautee par kase to vartamaan hindee gady pady kee adhikaansh rachana aisee bhaasha mein kee gayee milegee jise bolachaal kee bhaasha nahin kah sakate; urdoo ke vishay mein bhee yahee kaha ja sakata hai. yah vichaar aadhunik nahin chirakaal se chala aata hai. jis samay hindee aur urdoo ka naamakaran hua, aur in donon ne likhit gady bhaasha ka roop dhaaran kiya, usake kuchh samay uparaant hee is vichaar ka bhee sootrapaat hua. kavivar lalloolaal, panditapravar soorat mishr, raaja lakshmanasinh, raaja shivaprasaad aur baaboo harishchandr kee hindee kee shailee bhinn-bhinn hai. pratyek ne hindee ke svaroop kee kalpana apanee-apanee ruchi ke anusaar kee hai, kintu pratyek ka aadarsh bolachaal hee tha. aaj din pashchimottar-praant, raajasthaan, bihaar aur madhyadesh mein hindee kee vijayavaijayantee phahara rahee hai, phir bhee vah ‘anek roop roopaay’ hai. jo likhata hai vah bolachaal kee hee bhaasha likhata hai parantu phir bhee pranaalee mein bhinnata hai. shreemaan pandit mahaaveeraprasaad dvivedee ne sitambar san 1924 kee ‘sarasvatee’ mein ek lekh likha hai usamen ek sthaan par aap likhate hain-

“yah kavita bolachaal kee hindee mein hai-

“yadapi satat mainne yuktiyaan keen anek.
tadapi ahah toone shaanti paee na nek..
udakar tujhako main le kahaan chitt jaoon.
dukhad jalan teree haay kaise mitaoon..”

kintu kya yah bolachaal kee hindee hai? mera vichaar hai ki kisee praant mein ab tak sarvasaadhaaran yadapi, satat, yuktiyaan, ahah, dukhad nahin bolate. aisee avastha mein jis pady mein ye shabd aaye hain usako bolachaal kee bhaasha ka pady nahin kah sakate, saral hindee ka pady bhale hee kah len. bolachaal kee hindee, saral hindee aur theth hindee mein antar hai. kya antar hai isaka main niroopan karoonga. saral hindee aur theth hindee ka matalab samajh lene se hee bolachaal kee hindee ka svaroop avagat hoga. sambhav hai ki jo vichaar main prakat karana chaahata hoon vah sarvasammat na ho, usamen bhee meen-mekh ho, parantu isase kya? apana vichaar prakat karake hee main doosare sajjanon ko meemaansa ka avasar de sakata hoon. meemaansa hone par hee tathy baat gyaat hogee.

Add Comment

© 2023 Pothi | All Rights Reserved

Do not copy, Please support by sharing!