chhalak ke kam na ho aisee koee sharaab nahin
nigaah-e-nargis-e-raana tira javaab nahin
chup ho gae tere rone vaale
duniya ka khayaal aa gaya hai
kahaan itanee khabar umr-e-mohabbat kis tarah guzaree
tira hee dard tha mujh ko jahaan tak yaad aata hai
main ye to nahin kahata ki bashar daava-e-khudaee kar baithe
phir bhee gam-e-ishq se insaan mein kuchh shaan-e-khuda aa jaatee hai
kuchh qafas kee teeliyon se chhan raha hai noor sa
kuchh faza kuchh hasarat-e-paravaaz kee baaten karo
rone vaale hue chup hijr kee duniya badalee
sham be-noor huee subh ka taara nikala
kamee na kee tire vahashee ne khaak udaane mein
junoon ka naam uchhalata raha zamaane mein
qafas vaalon kee bhee kya zindagee hai
chaman door aashiyaan door aasamaan door
be-khudee mein ik khalish see bhee na ho aisa nahin
too na aae yaad lekin main tujhe bhoola nahin
ishq ab bhee hai vo maharam-e-be-gaana-numa
husn yoon laakh chhupe laakh numaayaan ho jae