too yaad aaya tire jaur-o-sitam lekin na yaad aae
mohabbat mein ye masoomee badee mushkil se aatee hai
isee khandar mein kaheen kuchh die hain toote hue
inheen se kaam chalao badee udaas hai raat
zabt keeje to dil hai angaara
aur agar roie to paanee hai
zindagee mein jo ik kamee see hai
ye zara see kamee bahut hai miyaan
agar badal na diya aadamee ne duniya ko
to jaan lo ki yahaan aadamee kee khair nahin
aaj aagosh mein tha aur koee
der tak ham tujhe na bhool sake
mazahab kee kharaabee hai na akhlaaq kee pastee
duniya ke masaib ka sabab aur hee kuchh hai
bahut haseen hai dosheezagee-e-husn magar
ab aa gae ho to aao tumhen kharaab karen
rafta rafta ishq maanoos-e-jahaan hone laga
khud ko tere hijr mein tanha samajh baithe the ham
jo ulajhee thee kabhee aadam ke haathon
vo gutthee aaj tak sulajha raha hoon