kah diya too ne jo masoom to ham hain masoom
kah diya too ne gunahagaar gunahagaar hain ham
kaun ye le raha hai angadaee
aasamaanon ko neend aatee hai
sunate hain ishq naam ke guzare hain ik buzurg
ham log bhee faqeer isee silasile ke hain
aankhon mein jo baat ho gaee hai
ik sharah-e-hayaat ho gaee hai
shaamen kisee ko maangatee hain aaj bhee firaq
go zindagee mein yoon mujhe koee kamee nahin
shakl insaan kee ho chaal bhee insaan kee ho
yoon bhee aatee hai qayaamat mujhe maloom na tha
asar bhee le raha hoon teree chup ka
tujhe qail bhee karata ja raha hoon
tum ise shikava samajh kar kis lie sharama gae
muddaton ke bad dekha tha to aansoo aa gae
sar mein sauda bhee nahin dil mein tamanna bhee nahin
lekin is tark-e-mohabbat ka bharosa bhee nahin
aql mein yoon to nahin koee kamee
ik zara deevaanagee darakaar hai