tere aane kee kya umeed magar
kaise kah doon ki intizaar nahin
aae the hansate khelate may-khaane mein firaq
jab pee chuke sharaab to sanjeeda ho gae
kam se kam maut se aisee mujhe ummeed nahin
zindagee too ne to dhoke pe diya hai dhoka
ab to un kee yaad bhee aatee nahin
kitanee tanha ho gaeen tanhaiyaan
bahut dinon mein mohabbat ko ye hua maloom
jo tere hijr mein guzaree vo raat raat huee
zindagee kya hai aaj ise ai dost
soch len aur udaas ho jaen
jo un maasoom aankhon ne die the
vo dhoke aaj tak main kha raha hoon
ye maana zindagee hai chaar din kee
bahut hote hain yaaro chaar din bhee
kuchh na poochho firaaq ahad-e-shabaab
raat hai neend hai kahaanee hai
zara visaal ke baad aaina to dekh ai dost
tire jamaal kee dosheezagee nikhar aaee