kisee ka yoon to hua kaun umr bhar phir bhee
ye husn o ishq to dhoka hai sab magar phir bhee
raat bhee neend bhee kahaanee bhee
hae kya cheez hai javaanee bhee
ik umr kat gaee hai tire intizaar mein
aise bhee hain ki kat na sakee jin se ek raat
dekh raftaar-e-inqalaab firaq
kitanee aahista aur kitanee tez
lahoo vatan ke shaheedon ka rang laaya hai
uchhal raha hai zamaane mein naam-e-aazaadee
main muddaton jiya hoon kisee dost ke bagair
ab tum bhee saath chhodane ko kah rahe ho khair
saans letee hai vo zameen firaq
jis pe vo naaz se guzarate hain
kho diya tum ko to ham poochhate phirate hain yahee
jis kee taqadeer bigad jae vo karata kya hai
tujh ko pa kar bhee na kam ho sakee be-taabee-e-dil
itana aasaan tire ishq ka gam tha hee nahin
koee aaya na aaega lekin
kya karen gar na intizaar karen