vaqt-e-guroob aaj karaamaat ho gaee
zulfon ko us ne khol diya raat ho gaee
gaalib o meer musahafee
ham bhee firaq kam nahin
firaq daud gaee rooh see zamaane mein
kahaan ka dard bhara tha mire fasaane mein
tira firaq to us din tira firaq hua
jab un se pyaar kiya main ne jin se pyaar nahin
main aaj sirf mohabbat ke gam karoonga yaad
ye aur baat ki teree bhee yaad aa jae
tira visaal badee cheez hai magar ai dost
visaal ko miree duniya-e-aarazoo na bana
ai bhool na sakane vaale tujh ko
bhoole na rahen to kya karen ham
maazee ke samundar mein aksar yaadon ke jazeere milate hain
phir aao vaheen langar daalen phir aao unhen aabaad karen
kahaan ka vasl tanhaee ne shaayad bhes badala hai
tire dam bhar ke mil jaane ko ham bhee kya samajhate hain
ahabaab se rakhata hoon kuchh ummeed-e-khuraafaat
rahate hain khafa mujh se bahut log isee se