ab yaad-e-raftagaan kee bhee himmat nahin rahee
yaaron ne kitanee door basaee hain bastiyaan
tabeeat apanee ghabaraatee hai jab sunasaan raaton mein
ham aise mein tiree yaadon kee chaadar taan lete hain
main der tak tujhe khud hee na rokata lekin
too jis ada se utha hai usee ka rona hai
rone ko to zindagee padee hai
kuchh tere sitam pe muskura len
sar-zameen-e-hind par aqvaam-e-aalam ke firaq
qaafile basate gae hindostaan banata gaya
jis mein ho yaad bhee tiree shaamil
hae us be-khudee ko kya kahie
aane vaalee naslen tum par fakhr karengee ham-asaro
jab bhee un ko dhyaan aaega tum ne firaq ko dekha hai
parda-e-lutf mein ye zulm-o-sitam kya kahie
hae zaalim tira andaaz-e-karam kya kahie
aaj bahut udaas hoon
yoon koee khaas gam nahin
devataon ka khuda se hoga kaam
aadamee ko aadamee darakaar hai