chupake chupake uth raha hai madh-bhare seenon mein dard
dheeme dheeme chal rahee hain ishq kee puravaiyaan
taara tootate sab ne dekha ye nahin dekha ek ne bhee
kis kee aankh se aansoo tapaka kis ka sahaara toot gaya
dil-dukhe roe hain shaayad is jagah ai koo-e-dost
khaak ka itana chamak jaana zara dushvaar tha
na ho ehasaas to saara jahaan hai be-his-o-murda
gudaaz-e-dil ho to dukhatee ragen milatee hain patthar mein
kahaan har ek se baar-e-nashaat uthata hai
balaen ye bhee mohabbat ke sar gaee hongee
maaloom hai mohabbat lekin usee ke haathon
ai jaan-e-ishaq main ne tera bura bhee chaaha
zulmat o noor mein kuchh bhee na mohabbat ko mila
aaj tak ek dhundalake ka samaan hai ki jo tha
neend aa chalee hai anjum-e-shaam-e-abad ko bhee
aankh ahal-e-intizaar kee ab tak lagee nahin
ek rangeenee-e-zaahir hai gulistaan mein agar
ek shaadaabee-e-pinhaan hai bayaabaanon mein
raha hai too mire pahaloo mein ik zamaane tak
mire lie to vahee ain hijr ke din the