ye saanehe dil-e-gam-geen hua hee karate hain
na ishq hee kee khata hai na husn hee ka qusoor
ahal-e-gam tum ko mubaarak ho fana-aamaadagee
lekin eesaar-e-mohabbat jaan de dena nahin
tujh se hijaab kya magar ai ham-nasheen na poochh
us dard-e-hijr ko jo shab-e-gam utha nahin
tark-e-mohabbat karane vaalo kaun aisa jug jeet liya
ishq se pahale ke din socho kaun bada sukh hota tha
ai mazaahib ke khuda teree mashiyyat jo bhee ho
ishq ko deegar khuda deegar mashiyyat chaahie
le udee tujh ko nigaah-e-shauq kya jaane kahaan
teree soorat par bhee ab tera gumaan hota nahin
mire dil se kabhee gaafil na hon khuddaam-e-may-khaana
ye rind-e-la-ubaalee be-pie bhee to bahakata hai
kharaab ho ke bhee socha kie tire mahajoor
yahee ki teree nazar hai tiree nazar phir bhee
ye maana inqalaab-e-zindagee mein laakh khatare hain
tamanna phir bhee hai ye zindagee zer-o-zabar hotee
zauq-e-nazzaara usee ka hai jahaan mein tujh ko
dekh kar bhee jo lie hasarat-e-deedaar chala