ikka-dukka sada-e-zanjeer
zindaan mein raat ho gaee hai
usee kee sharah hai ye uthate dard ka aalam
jo daastaan thee nihaan tere aankh uthaane mein
qafas se chhut ke vatan ka suraag bhee na mila
vo rang-e-laala-o-gul tha ki baag bhee na mila
is pursish-e-karam pe to aansoo nikal pade
kya too vahee khuloos saraapa hai aaj bhee
utthee hai chashm-e-saaqee-e-may-khaana bazm par
ye vaqt vo nahin ki halaal-o-haraam dekh
muddaten qaid mein guzareen magar ab tak sayyaad
ham aseeraan-e-qafas taaza giraftaar se hain
dil-e-vaarafta-e-deedaar kee allaah re mahviyyat
tasavvur mein tire vo teree soorat bhool jaata hai
tumheen sach sach batao kaun tha sheereen ke paikar mein
ki musht-e-khaak kee hasarat mein koee koh-kan kyon ho
jahaan mein thee bas ik afvaah tere jalvon kee
charaag-e-dair-o-haram jhilamilae hain kya kya
targeeb-e-gunaah lahaza lahaza
ab raat javaan ho gaee hai