qurb hee kam hai na dooree hee ziyaada lekin
aaj vo rabt ka ehasaas kahaan hai ki jo tha
ye zillat-e-ishq tere haathon
ai dost tujhe kahaan chhupa len
aankh chura raha hoon main apane hee shauq-e-deed se
jalva-e-husn-e-be-panaah too ne ye kya dikha diya
faza tabassum-e-subh-e-bahaar thee lekin
pahunch ke manzil-e-jaanaan pe aankh bhar aaee
thee yoon to shaam-e-hijr magar pichhalee raat ko
vo dard utha firaq ki main muskura diya
manzilen gard ke maanind udee jaatee hain
vahee andaaz-e-jahaan-e-guzaraan hai ki jo tha
meharabaanee ko mohabbat nahin kahate ai dost
aah ab mujh se tiree ranjish-e-beja bhee nahin
vafoor-e-be-khudee-e-ishq ke rumooz na poochh
kaee dafa to tira naam bhee na yaad aaya
samajhana kam na ham ahal-e-zameen ko
utarate hain saheefe aasamaan se
ye zindagee ke kade kos yaad aate hain
tiree nigaah-e-karam ka ghana ghana saaya