mira ishq bhee khud-garaz ho chala hai
tire husn ko bevafa kahate kahate
chhup nahin sakatee chhupaane se mohabbat kee nazar
pad hee jaatee hai rukh-e-yaar pe hasrat kee nazar
us na-khuda ke zulm o sitam hae kya karoon
kashtee miree duboee hai saahil ke aas-paas
mujh ko dekho mire marane kee tamanna dekho
phir bhee hai tum ko maseehaee ka dava dekho
maanoos ho chala tha tasallee se haal-e-dil
phir too ne yaad aa ke ba-dastoor kar diya
hai intiha-e-yaas bhee ik ibtida-e-shauq
phir aa gae vaheen pe chale the jahaan se ham
raushan jamaal-e-yaar se hai anjuman tamaam
dahaka hua hai aatish-e-gul se chaman tamaam
haqeeqat khul gaee hasarat tire tark-e-mohabbat kee
tujhe to ab vo pahale se bhee badh kar yaad aate hain
milate hain is ada se ki goya khafa nahin
kya aap kee nigaah se ham aashna nahin
bad-gumaan aap hain kyoon aap se shikava hai kise
jo shikaayat hai hamen gardish-e-ayyaam se hai