guzare bahut ustaad magar rang-e-asar mein
be-misl hai hasarat sukhan-e-meer abhee tak
khoo samajh mein nahin aatee tire deevaanon kee
daamanon kee na khabar hai na girebaanon kee
munahasir vaqt-e-muqarrar pe mulaaqaat huee
aaj ye aap kee jaanib se naee baat huee
koshishen ham ne keen hazaar magar
ishq mein ek motabar na huee
khirad ka naam junoon pad gaya junoon ka khirad
jo chaahe aap ka husn-e-karishma-saaz kare
khoob-rooyon se yaariyaan na gaeen
dil kee be-ikhtiyaariyaan na gaeen
raat din naama-o-paigaam kahaan tak doge
saaf kah deejie milana hamen manzoor nahin
raah mein milie kabhee mujh se to az-raah-e-sitam
hont apana kaat kar fauran juda ho jaie
bhool hee jaen ham ko ye to na ho
log mere lie dua na karen
tod kar ahad-e-karam na-aashna ho jaie
banda-paravar jaie achchha khafa ho jaie