husn-e-be-parava ko khud-been o khud-aara kar diya
kya kiya main ne ki izahaar-e-tamanna kar diya
hasrat bahut hai martaba-e-aashiqee buland
tujh ko to muft logon ne mashahoor kar diya
un ko yaan vaade pe aa lene de ai abr-e-bahaar
jis qadar chaahana phir baad mein barasa karana
kya bala thee ada-e-pursish-e-yaar
mujh se izahaar-e-mudda na hua
dilon ko fikr-e-do-aalam se kar diya aazaad
tire junoon ka khuda silasila daraaz kare
ye bhee aadaab-e-mohabbat ne gavaaraa na kiya
un kee tasveer bhee aankhon se lagaee na gaee
mujh se tanhaee mein gar milie to deeje gaaliyaan
aur bazm-e-gair mein jaan-e-haya ho jaie
ham jaur-paraston pe gumaan tark-e-vafa ka
ye vaham kaheen tum ko gunahagaar na kar de
chheda hai dast-e-shauq ne mujh se khafa hain vo
goya ki apane dil pe mujhe ikhtiyaar hai
laga kar aankh is jaan-e-jahaan se
na hoga ab kisee se aashna dil