shikava-e-gam tire huzoor kiya
ham ne be-shak bada qusoor kiya
kheench lena vo mira parde ka kona dafatan
aur dupatte se tira vo munh chhupaana yaad hai
paigaam-e-hayaat-e-jaavedaan tha
har nagma-e-krshn baansuree ka
hai mashq-e-sukhan jaaree chakkee kee mashaqqat bhee
ik turfa tamaasha hai hasarat kee tabeeat bhee
gair kee nazaron se bach kar sab kee marzee ke khilaaf
vo tira choree-chhupe raaton ko aana yaad hai
sabhee kuchh ho chuka un ka hamaara kya raha hasrat
na deen apana na dil apana na jaan apanee na tan apana
sher mere bhee hain pur-dard va-lekin hasrat
meer ka sheva-e-guftaar kahaan se laoon
shaam ho ya ki sahar yaad unheen kee rakhanee
din ho ya raat hamen zikr unheen ka karana
vasl kee banatee hain in baaton se tadabeeren kaheen
aarazooon se phira karatee hain taqadeeren kaheen
daava-e-aashiqee hai to hasarat karo nibaah
ye kya ke ibtida hee mein ghabara ke rah gae