dil ko khayaal-e-yaar ne makhmoor kar diya
saagar ko rang-e-baada ne pur-noor kar diya
hasrat jo sun rahe hain vo ahal-e-vafa ka haal
is mein bhee kuchh fareb tiree daastaan ke hain
khanda-e-ahal-e-jahaan kee mujhe parva kya hai
tum bhee hansate ho mire haal pe rona hai yahee
raanaee-e-khayaal ko thahara diya gunaah
vaiz bhee kis qadar hai mazaaq-e-sukhan se door
ai yaad-e-yaar dekh ki ba-vasf-e-ranj-e-hijr
masaroor hain tiree khalish-e-na-tavaan se ham
gurbat kee subh mein bhee nahin hai vo raushanee
jo raushanee ki shaam-e-savaad-e-vatan mein tha
pursish-e-haal pe hai khaatir-e-jaanaan mail
jurat-e-koshish-e-izahaar kahaan se laoon
hai vahaan shaan-e-tagaaful ko jafa se bhee gurez
iltifaat-e-nigah-e-yaar kahaan se laoon
iltifaat-e-yaar tha ik khvaab-e-aagaaz-e-vafa
sach hua karatee hain in khvaabon kee taabeeren kaheen
bhoolee nahin dil ko tiree duzadeeda-nigaahee
pahaloo mein hai kuchh kuchh khalish-e-teer abhee